Xocalı soyqırımı – tarixin ağrılı səhifəsi və beynəlxalq ədalət mübarizəsi
26 fevral tarixində Xocalı şəhərində Prezident İlham Əliyev və birinci xanım Mehriban Əliyevanın iştirakı ilə Xocalı Soyqırımı Memorial Kompleksinin açılışı olmuşdur. Açılış mərasimində Prezident çıxış edərək Xocalı soyqırımının tarixi həqiqətlərinin dünya ictimaiyyətinə çatdırılmasının vacibliyini vurğulamış, bu faciəyə görə məsuliyyətin Ermənistan dövləti üzərinə düşdüyünü bildirmişdir. Prezident İlham Əliyev Xocalı soyqırımının beynəlxalq humanitar hüququn kobud şəkildə pozulması və insanlığa qarşı törədilmiş ağır cinayət olduğunu qeyd etmişdir. Bu istiqamətdə həm dövlət qurumlarının, həm də ictimai təşkilatların Xocalı həqiqətlərinin beynəlxalq aləmdə tanıdılması üçün fəaliyyətini davam etdirdiyi diqqətə çatdırılmışdır.
1992-ci il fevralın 26-da Xocalıda baş verən faciə XX əsrin ən qanlı cinayətlərindən biri kimi tarixə düşmüşdür. Bir gecə ərzində yüzlərlə günahsız mülki şəxs qəddarcasına qətlə yetirilmiş, ailələr məhv edilmiş, uşaqlar valideynlərini, valideynlər isə övladlarını itirmişdir. Bu hadisə yalnız bir şəhərin deyil, bütövlükdə Azərbaycan xalqının faciəsi idi. Xocalı soyqırımı beynəlxalq humanitar hüququn kobud şəkildə pozulmasının bariz nümunəsidir və insanlığa qarşı yönəlmiş ağır cinayət kimi qiymətləndirilir.
Bu prosesdə Heydər Əliyev Fondu xüsusi rol oynamışdır. Fondun təşəbbüsü ilə başladılan “Xocalıya ədalət!” beynəlxalq kampaniyası çərçivəsində dünyanın müxtəlif ölkələrində konfranslar, sərgilər, təqdimatlar keçirilmiş, kitablar və məlumatlandırıcı materiallar nəşr edilmişdir. Kampaniyanın həyata keçirilməsində Fondun vitse-prezidenti Leyla Əliyeva fəal iştirak etmişdir. Bu ardıcıl fəaliyyət nəticəsində 20-yə yaxın ölkə Xocalı soyqırımını rəsmən tanımışdır. Bu isə informasiya mübarizəsində mühüm uğur hesab olunur.
26 fevral tarixində Xocalı şəhərində Prezident İlham Əliyev və birinci xanım Mehriban Əliyevanın iştirakı ilə Xocalı Soyqırımı Memorial Kompleksinin açılışı olmuşdur. Açılış mərasimində Prezident çıxış edərək Xocalı soyqırımının tarixi həqiqətlərinin dünya ictimaiyyətinə çatdırılmasının vacibliyini vurğulamış, bu faciəyə görə məsuliyyətin Ermənistan dövləti üzərinə düşdüyünü bildirmişdir. Prezident İlham Əliyev Xocalı soyqırımının beynəlxalq humanitar hüququn kobud şəkildə pozulması və insanlığa qarşı törədilmiş ağır cinayət olduğunu qeyd etmişdir. Bu istiqamətdə həm dövlət qurumlarının, həm də ictimai təşkilatların Xocalı həqiqətlərinin beynəlxalq aləmdə tanıdılması üçün fəaliyyətini davam etdirdiyi diqqətə çatdırılmışdır.
1992-ci il fevralın 26-da Xocalıda baş verən faciə XX əsrin ən qanlı cinayətlərindən biri kimi tarixə düşmüşdür. Bir gecə ərzində yüzlərlə günahsız mülki şəxs qəddarcasına qətlə yetirilmiş, ailələr məhv edilmiş, uşaqlar valideynlərini, valideynlər isə övladlarını itirmişdir. Bu hadisə yalnız bir şəhərin deyil, bütövlükdə Azərbaycan xalqının faciəsi idi. Xocalı soyqırımı beynəlxalq humanitar hüququn kobud şəkildə pozulmasının bariz nümunəsidir və insanlığa qarşı yönəlmiş ağır cinayət kimi qiymətləndirilir.
Bu prosesdə Heydər Əliyev Fondu xüsusi rol oynamışdır. Fondun təşəbbüsü ilə başladılan “Xocalıya ədalət!” beynəlxalq kampaniyası çərçivəsində dünyanın müxtəlif ölkələrində konfranslar, sərgilər, təqdimatlar keçirilmiş, kitablar və məlumatlandırıcı materiallar nəşr edilmişdir. Kampaniyanın həyata keçirilməsində Fondun vitse-prezidenti Leyla Əliyeva fəal iştirak etmişdir. Bu ardıcıl fəaliyyət nəticəsində 20-yə yaxın ölkə Xocalı soyqırımını rəsmən tanımışdır. Bu isə informasiya mübarizəsində mühüm uğur hesab olunur.
Vətən müharibəsi – güclü dövlətin və milli birliyin təzahürü
2020-ci ildə baş vermiş 44 günlük Vətən müharibəsi Azərbaycan tarixində yeni mərhələnin başlanğıcı oldu. Uzun illər işğal altında qalan torpaqların azad edilməsi xalqın ən böyük arzusu idi. Azərbaycan Ordusu yüksək döyüş qabiliyyəti, peşəkarlıq və rəşadət nümayiş etdirərək qısa müddət ərzində mühüm strateji əraziləri azad etdi və Ermənistan kapitulyasiya aktına imza atmağa məcbur oldu.
Bu Qələbə təsadüfi deyildi. İllər boyu həyata keçirilən iqtisadi islahatlar, ordu quruculuğu sahəsində aparılan modernləşmə, beynəlxalq müstəvidə aparılan uğurlu diplomatik fəaliyyət Azərbaycanın güclənməsinə zəmin yaratmışdır. Enerji layihələri və strateji tərəfdaşlıqlar ölkənin iqtisadi və siyasi müstəqilliyini möhkəmləndirmişdir.
2023-cü ildə həyata keçirilmiş antiterror tədbirləri nəticəsində ölkənin suverenliyi tam təmin edilmiş, qanunsuz silahlı birləşmələr tərksilah olunmuşdur. Beləliklə, Azərbaycan öz ərazi bütövlüyünü və dövlət suverenliyini tam şəkildə bərpa etmişdir. Prezident İlham Əliyevin vurğuladığı kimi, ədalət xalqımızın birliyi və dövlətimizin gücü hesabına təmin olunmuşdur.
Bu proses bir daha sübut etdi ki, Azərbaycan xalqı milli məsələlərdə həmrəy və qətiyyətlidir. Dövlət və xalq bir yumruq kimi birləşərək tarixi ədaləti bərpa etmişdir.
Memorial Kompleks – yaddaş, qürur və gələcəyə çağırış
Xocalı Soyqırımı Memorial Kompleksinin məhz Xocalı şəhərində açılması böyük rəmzi məna daşıyır. İki il əvvəl təməli qoyulan bu kompleks indi həm faciənin, həm də qələbənin rəmzinə çevrilmişdir. Bu abidə Azərbaycan xalqının silinməz yaddaşını, şəhidlərin əziz xatirəsini və milli ləyaqətini təcəssüm etdirir.
Memorial Kompleks yalnız keçmişi xatırlatmaq üçün deyil, həm də gələcək nəsillərə mesajdır. Bu mesaj ondan ibarətdir ki, xalq öz tarixini unutmamalı, daim ayıq-sayıq olmalı və güclü dövlətçilik ənənələrini qoruyub saxlamalıdır. Uzun illər didərgin düşmüş xocalılıların bu gün öz doğma torpaqlarında anım mərasimində iştirak etməsi tarixi ədalətin və mənəvi qələbənin göstəricisidir.
Bu hadisə göstərir ki, Azərbaycan artıq zəif və müdafiəsiz dövlət deyil. Bu gün ölkəmiz güclü iqtisadiyyata, müasir orduya və müstəqil siyasətə malikdir. Azərbaycan müharibəni beynəlxalq hüququn prinsiplərinə uyğun aparmış, mülki əhaliyə qarşı məqsədli hücumlar həyata keçirməmişdir. Bu isə ölkəmizin humanist dəyərlərə sadiqliyini göstərir.
Xocalı Soyqırımı Memorial Kompleksinin açılışı ədalətin təntənəsi, milli birliyin və güclü dövlətçiliyin rəmzidir. Xocalı faciəsi xalqımızın yaddaşında əbədi yaşayacaq, Memorial Kompleks isə kədərin və qazanılmış Qələbənin simvolu kimi tariximizdə qalacaqdır.
