Prezident İlham Əliyev: Milli maraqlarımız məsələsində heç kəsə və ya heç bir təsisata arxalanmamışıq
Dövlət başçımız müsahibəsində Qlobal Bakı Forumunun əhəmiyyətinə toxunub. “Forumunda hər zaman yeni ideyalar meydana gəlir. Beynəlxalq məsələlərə yanaşmağın formalaşmasında Formun vacib rolu var”. Prezident İlham Əliyev XII Qlobal Bakı Forumu zamanı “Euronews” televiziyasına müsahibəsində belə deyib. Dövlətimizin başçısı qeyd edib ki, hazırda yeni qaydaları müəyyənləşdirilməsi prosesi baş verir. Bildiyimiz dünya nizamı artıq mövcud deyil. Prezident dünya düzəninin yenidən düşünülməsi kontekstində dövlətlərin qlobal səviyyədə üzləşdiyi əsas çağırışları açıqlayıb. “Birincisi, hər bir ölkə özünün daxili işlərinə və daxili imkanlarına daha çox diqqət ayırmalı, hər hansı bir yardıma və hətta beynəlxalq hüquqa arxalanmamalıdır. Beynəlxalq hüququn selektiv tətbiqinin qurbanı olan Azərbaycanın gələcəyini daxili resurslar hesabına qurması baxımından böyük təcrübəsi var.
İkincisi, gələcək üçün vacib məsələlərdən biri odur ki, ölkələr beynəlxalq təsisatlar çərçivəsində fəaliyyətə deyil, ikitərəfli münasibətlərə daha çox əhəmiyyət verəcəklər. Çünki bu gün bəzi beynəlxalq təşkilatlar ya öz zəifliyini nümayiş etdirir və ya tamamilə iflic vəziyyətindədir. Əlbəttə, biz hələ ki, qlobal transformasiyanın ilkin mərhələsindəyik və bir çox məsələ hadisələrin gedişatından asılı olacaq”
Prezident regionda baş verən dəyişikliklərlə bağlı mövqeyinidə açıqlayıb. Hazırda nisbətən sakit dövrdəyik və diqqətimizi buna yönəlməliyik. Biz növbəti hərbi qarşıdurmanı istisna edəcək əhatəli təhlükəsizlik mexanizmləri yaratmalı və sovet dövründə olduğu kimi qonşuluq şəraitində yaşamağa çalışmalıyıq. Bu regionla əlaqədar geosiyasi transformasiyalarla bağlı geridə qalmamalı diqqətimizi regional problemlər və regional fürsətlər üzərində cəmləşdirməliyik deyən dövlət başçısı geniş regionda baş verən proseslərədə toxunub.”Hər bir ölkə anlamalıdır ki, o, öz taleyinin sahibidir.
Onlar bunu nə qədər tez başa düşsələr, bu, onlar üçün bir o qədər də yaxşı olar. Çünki əgər siz həmişə kiminsə yardımına bel bağlasanız, birincisi, bu, sizi zəiflədəcək, ikincisi, bu yardımın daimi olacağına dair heç bir zəmanət yoxdur, üçüncüsü də siz suverenliyinizin bir hissəsini itirmiş olursunuz. Çünki əgər siz həmişə kimdənsə asılısınızsa və həmişə kimdənsə yardım istəyirsinizsə, onda bir gün gələcək, həmin şəxs gəlib sizdən hesabat istəyəcək. Bizim təcrübəmiz uğurlu olmuşdur və onun uğurlu olması sübuta yetirilmişdir”.
Qlobal sakitlik məsələsində realist yanaşmaya üstünlük verdiyini deyən Prezident İlham Əliyev qeyd edib ki, növbəti aylarda və ya hətta illərdə bunun mümkünlüyü inandırıcı deyil. İstər Rusiya-Ukrayna müharibəsi, istərsədə yaxın Şərqdə Afrikada olan münaqişələr hələki həllini tapacaq kimi görünmür. Müharibələr toqquşmalar dayansa belə yenidən başlamayacağına dair heç bir zəmanət yoxdur. Bütün qarşıdurmalar yalnız sülh sazişi imzalananda bitir. “Hətta indiki dövrdə, İkinci Qarabağ müharibəsinin bitməsindən beş il keçməsinə baxmayaraq, bizim Ermənistanla sülh müqaviləmiz yoxdur. Bəli, sakitlikdir, itkilər yoxdur və bu da bugünkü vəziyyətin böyük üstünlüyüdür. Lakin sülh sazişi imzalanana qədər burada sabitlik olmayacaq....Əgər siz öz həllini tapmış münaqişə axtarsanız, görə bilərsiniz ki, sadəcə burada, Qarabağda olan münaqişə öz həllini tapıb. Bu, beynəlxalq hüquq, tarixi ədalət əsasında həllini tapmış yeganə münaqişədir. Bu həlli bütün dünya qəbul edir”.
Geosiyasi dəyişikliklərdən Vaşinqtonda baş verən hadisələrdir. Bütün dünya Ağ evdə qəbul olunmuş qərarlardan asılıdır. Prezident İlham Əliyev hesab edir ki, bu, qlobal geosiyasi dəyişikliyin mənbəyidir. O, yenicə başlayıb və biz bu geosiyasi dəyişikliyin ilk aylarını yaşayırıq.
Buna görə də belə çoxsaylı qonaqların iştirak etdiyi toplantılar hadisələri müvafiq şəkildə qiymətləndirmək, fikirləri, narahatlıqları və ya gözləntiləri bölüşmək üçün vacibdir. “Baş verənlərlə bağlı çox nikbin əhvali-ruhiyyədəyəm. ABŞ-ın əvvəlki administrasiyası və Azərbaycan arasında münasibətlərin pisləşməsindən məyusluq hissi keçirmişdik. Onların mövqeyi bizim milli maraqlarımıza ədalətsiz yanaşmadan ibarət idi. Buna görə biz Tramp administrasiyası dövründə ABŞ ilə münasibətlərimizin və güclü tərəfdaşlığımızın yenidən qurulmasına çox nikbin baxırıq.
Lakin bəzi insanlar var ki, onlar nikbin olmaq əvəzinə daha çox məyusdurlar. Bu da təbiidir, çünki hər bir ölkənin öz maraqları var. Hər bir siyasətçinin öz baxışları var”.
Müxbirin Trampla danışmısınızmı sualına isə Prezident İlham Əliyev belə cavab verib: “Mən, sadəcə, onunla onu seçkilərdə qələbə münasibətilə təbrik etmək üçün danışmışam və bu da bizim aramızda baş vermiş yeganə söhbətdir”.
