Şamaxıda QHT-lərin 5-ci inkişaf və mübadilə proqramı keçirilir » Shirvanqazeti.az - Şirvan Qəzeti

Şamaxıda QHT-lərin 5-ci inkişaf və mübadilə proqramı keçirilir


Bu gündən başlayaraq Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin və Azərbaycan Milli QHT Forumunun birgə təşkilatçılığı ilə “QHT-lərin V İnkişaf və Mübadilə Proqramı”na başlanılıb.
"Şirvan.az" xəbər verir ki, “Yaşıl dünya naminə həmrəylik ili” çərçivəsində keçirilən proqramda 100-ə yaxın QHT-dən təmsilçilər iştirak edir. 3 gün ərzində Şamaxı Tədris Mərkəzində davam edəcək proqramda layihələrin hazırlanması, məqsəd və vəzifələrin müəyyənləşdirilməsi və s. kimi mühüm mövzularda QHT-lərin bilik və bacarıqları artırılacaq. Təlimin yekununda uğurlu nəticə göstərən QHT-lərə sertifikatlar təqdim olunacaq.
Xatırladaq ki, Qeyri-Hökumət Təşkilatlarına Dövlət Dəstəyi Agentliyi 2022-ci ildə Mingəçevirdə, 2023-cü ildə Naftalan və Bakı şəhərlərində, 2024-cü ildə Naxçıvan şəhərində QHT-lərin İnkişaf və Mübadilə Proqramlarını icra edib, bu proqramlarda indiyədək 350-dən çox QHT iştirak edib.
Agentlik QHT-lərin ictimai faydalılığının yüksəldilməsi üçün QHT təmsilçilərinin bilik və bacarıqlarının artırılması fəaliyyətini bundan sonra da davam etdirəcək.


PAYLAŞ
Digər Xəbərlər
Şirvan TV
Şamaxı Kələxana Türbələr Kompleksi

Şamaxı Kələxana Türbələr Kompleksi

www.ShirvanQazeti.az © 2o1o-2o17 - Bütün Hüquqlar Qorunur.
- Texniki dəstək: VipKadr.az