Əhalinin problemlərinin yerində öyrənilməsi və həll edilməsi məqsədilə Şamaxı Rayon İcra Hakimiyyəti başçısının qrafiq üzrə növbəti səyyar görüşü keçirilib.
Rayonun Nüydi kəndində keçirilən səyyar qəbulda Şamaxı Rayon İcra Hakimiyyətinin başçısı Tahir Məmmədov, təhsil, səhiyyə, mədəniyyət sahələrinin, xidmət təşkilatlarının rəhbər işçiləri və kənd sakinləri iştirak ediblər.
Qəbulda rayon icra hakimiyyətinin başçısı Tahir Məmmədov çıxış edərək respublikamızda aparılan islahatlar və bu sahədə hər bir kəsin üzərinə düşən vəzifələrdən danışıb.
Qəbul zamanı kənd sakinləri tərəfindən kəndə gedən yolun təmiri əsas məsələ kimi vurğulanıb. Görüşdə sakinləri narahat edən digər məsələlər ətrafında müzakirələr aparılıb, qaldırılan məsələlərin tez bir zamanda həlli ilə əlaqədar aidiyyəti qurum rəhbərlərinə müvafiq tapşırıqlar verilib.
Vətəndaşlar yerlərdə sakinlərin müraciətlərinə baxılması üçün belə səyyar görüşlərin keçirilməsindən məmnunluqlarını bildirərək, göstərilən diqqət və qayğıya görə minnətdarlıqlarını ifadə ediblər.
![](/uploads/posts/2024-05/1716353066_441966133_772663238360434_3697150466141602591_n.jpg)
![](/uploads/posts/2024-05/1716353140_441950731_772663251693766_6350648625421043222_n.jpg)
![](/uploads/posts/2024-05/1716353092_441951967_772663248360433_5171108474293574101_n.jpg)
![](/uploads/posts/2024-05/1716353113_443821366_772663331693758_8876606382429898575_n.jpg)
![](/uploads/posts/2024-05/1716353103_445735396_772663341693757_3657490774785826470_n.jpg)