Şamaxıda koronavirus (COVID-19) infeksiyasının yayılmasının qarşısının alınması məqsədilə həyata keçirilən tədbirlərdə rayon gəncləri də fəal iştirak edirlər.
Bu gün rayon Polis şöbəsi tərəfindən aparılan işlərə qoşulan könüllü gənclər Polis əməkdaşları ilə birgə Şamaxı şəhərinin mərkəzi küçələrində, ticarət və ictimai-iaşə obyektlərində, eləcə də ictimai nəqliyyat vasitələrindən istifadə edən sakinlərlə maarifləndirici söhbətlər aparıb, onlara sosial məsafənin qorunması və tibbi maskalardan istifadənin vacibliyi, həmçinin gigiyenik qaydalara düzgün riayət olunmasının zəruri olduğu barədə məlumatlar verərək maarifləndirici bukletlər paylayıblar.
