Şamaxıda quruculuq-abadlıq işləri davam edir

Regionların sosial-iqtisadi inkişafı Dövlət Proqramına uyğun olaraq Şamaxı rayonunda sosial layihələr uğurla həyata keçirilir, quruculuq-abadlıq işləri davam edir.
Koronavirus pandemiyasının törətdiyi çətinliklərə, bununla əlaqədar tətbiq olunan karantin rejiminə baxmayaraq hazırda şəhərin bir sıra küçə və prospektlərinin əsaslı təmiri və yenidən qurulması işlərinə başlanılıb. Belə ki, “Aşıq Məmmədağa”, “Həzi Aslanov”, “Bakı”, “Azər Pənahov”, “Qarabağ”, “Əzizbəyov”, “Şirvan”, “Məhəmməd Hadi” və bir sıra digər küçələr, bu küçələrə qoşulan döngələr yenidən qurulur və asfaltlaşdırılır.