1 dekabr 2023- cü il tarixində Dağlıq Şirvan Regional Mədəniyyət İdarəsinin və Şamaxı rayon Mirzə Ələkbər Sabirin ev Muzeyinin birgə təşkilatçılığı ilə Şamaxı rayon Mədəniyyət Mərkəzində yazıçı, ədəbiyyatşünas alim, ictimai xadim, filologiya elmləri doktoru, professor Əzizə Cəfərzadənin yaradıcılığına həsr olunmuş“ Əzizə Cəfərzadə yaradıcılığında Şirvan və Şirvanilər ” adlı elmi-praktiki konfrans keçrildi.
Öncə mərkəzin foyesində görkəmli yazıçı Əzizə Cəfərzadənin və şair-qəzəlxan, xanəndə- bəstəkar Ağakərim Nafizin əsərlərindən ibarət kitab sərgisi nümayiş olundu.
Tədbirin əvvəlində Azərbaycan Respublikasının Dövlət Himni səsləndirildi və xalqımızın Ümummilli Lideri Heydər Əliyevin və Azərbaycanın ərazi bütövlüyü, suverenliyi naminə canını qurban vermiş əbədiyaşar şəhidlərimizin əziz xatirəsi bir dəqiqəlik sükutla yad edildi.
Əzizə Cəfərzadənin həyat və yaradıcılığından bəhs edən videoçarx nümayiş olundu.
Tədbirdə çıxış edən Mirzə Ələkbər Sabirin ev-muzeyinin direktoru, Əməkdar mədəniyyət işçisi Rəqsanə Xəlilzadə, Şamaxı Rayon İcra Hakimiyyətinin başçısının müavini, İctimai- siyasi və humanitar məsələlər şöbəsinin müdiri Mehriban Eyubova, filologiya elmləri doktoru, professor Vaqif Sultanlı, ADPU- nun Şamaxı filialının kafedra müdiri, filologiya üzrə fəlsəfə doktoru Eyvaz Eminalıyev, filologiya üzrə fəlsəfə doktoru, dosent Tacir Səmimi, filologiya üzrə fəlsəfə doktoru, dosent, Milli Elmlər Akademiyasının əməkdaşı, Dünya, Barış, Sülh Elçisi Təşkilatının sədr müşaviri, Azərbaycan Türk Xalqları Qardaşlığı İçtimai Birliyinin sədri Səkinə Bayramova və Şamaxı Rayon İcra Hakimiyyəti yanında İçtimai Şuranın sədr müavini Nəzakət Abdulrazaqova xalqımızın yüzillər boyunca formalaşmış yüksək milli- mənəvi dəyərlərinin qorunub saxlanmasında zəngin şifahi ədəbi irsimizin yorulmaz tədqiqatçılarından olan Əzizə Cəfərzadənin yaradıcılığının böyük rol oynadığını vurğuladılar.
Əzizə xanım Cəfərzadənin oğlu Turan İbrahimov anası ilə bağlı xatirələrini bölüşdü və yazıçının yaradıcılığına həsr olunmuş yeni çapdan çıxmış kitabları haqqında məlumat verdi.
Daha sonra xanəndə- bəstəkar, şair- qəzəlxan Agakərim Nafizin 75 illik yubleyinə həsr edilən “Təzkireyi- Nafiz” adlı kitabının təqimatı keçirildi və şair Agakərim Nafiz nəşr olunmuş qəzəlləri, təxmisləri ətrafında məruzə ilə çıxış etdi.
Tədbir Şamaxı rayon Mədəniyyət Mərkəzinin hazırladığı bədii proqramla başa çatdı.
