booked.net

Şamaxının yol infrastrukturu yenidən qurulur və müasirləşdirilir


Respublikamızın sosial-iqtisadi münasibətlər sisteminin keyfiyyətcə yeni mərhələsi öz təsirini, ilk növbədə nəqliyyat infrastrukturunda göstərir. Digər tərəfdən, sərbəst bazar iqtisadiyyatı şəraitində istehsal və sosial infrastrukturların rolu və əhəmiyyətinin artması da bu sahənin inkişafını tələb edir. Regionların inkişafı ölkədə uğurla həyata keçirilən davamlı sosial-iqtisadi inkişaf strategiyasının mühüm tərkib hissəsi olmaqla, ölkəmizin ümümi inkişafının müəyyənedici komponentlərindən biridir.
Biz bunu rayonumuzun timsalında da aydın görürük. Həyata keçirilən qlobal layihələr, ilk növbədə əhalinin rifah halının daha da yaxşılaşdırılmasına xidmət edir.
Son günlər Şamaxının yol infrastrukturunun yenidən qurulması və müasirləşdirilməsi istiqamətində aparılan təmir-tikinti işləri vətəndaşların hərəkətinin təhlükəsizliyinə zəmin yaratmaqla yanaşı, həm də kənd təsərrüfatı və turizmin inkişafına təkan verəcək. Bu isə turizm potensialı yüksək olan rayon üçün xüsusi əhəmiyyət kəsb edir.
Dövlət başçısının Sərəncamına əsasən aparılan genişmiqyaslı təmir-tikinti işləri qədim Şamaxının görkəmini daha da gözəlləşdirir. Şəhərimizin qədim arxitekturasının ahənginə uyğun, şəhərin koloriti saxlanılmaqla həyata keçirilən tikinti-quraşdırma və tamamlama işləri zövqləri oxşayır və şəhərimiz daha cəlbedici görünür.
Prezident Sərəncamına əsasən, Şamaxı şəhərində ümumi uzunluğu 96,5 kilometr, sahəsi 621 min 615 kvadratmetr olan 126 adda prospekt və küçələrin təmir işləri aparılacaq. Artıq bu çərçivədə ümumi uzunluğu 12,3 kilometr olan 20 adda prospekt və küçədə agentlik tərəfindən aparılan təmir-tikinti işləri başa çatmaq üzrədir.
Təmir-tikinti işləri zamanı küçə və yollarda köhnə örtük sökülür, zəruri yerlərdə yol yatağının yararsız qruntu çıxarılır və əks dolğu işləri aparılmaqla yeni yol yatağı və yeni yol əsası inşa edilir. Daha sonra iri və xırda dənəli olmaqla yeni asfalt-beton örtüyünün döşənməsi işləri icra olunur. Layihə çərçivəsində zəruri yerlərdə vətəndaşların yol kənarı ilə rahat və təhlükəsiz hərəkətini təmin etmək
məqsədilə mövcud piyada səkiləri bərpa olunur, yeni piyada səkiləri inşa edilir, kənarlarına səki daşları düzülür.
“İnşaat Norma və Qaydaları”na uyğun olaraq, asfaltlanma işləri bitən küçələrdə hərəkətin normal təşkili üçün yol-cizgi və yolgöstərici xətlərinin, həmçinin piyada zolaqlarının çəkilişi icra olunur, küçə və yollara zəruri yol nişanları, məlumatverici lövhələr quraşdırılmaqla müasir yol infrastrukturu yaradılır.
Bakı-Şamaxı-Yevlax magistral avtomobil yolunun 120-ci kilometrində Bakı şəhəri istiqamətindən Şamaxı şəhərinə və yolun 123-cü kilometrində Ağsu istiqamətindən Şamaxı şəhərinə giriş-çıxış yollarında nəqliyyat vasitələrinin normal və təhlükəsiz hərəkətinin təmin olunması məqsədilə eyni səviyyəli yol qovşaqlarının tikintisi işləri də əzmlə davam etdirilir. Həmin layihəyə uyğun olaraq, Ağsu rayonu istiqamətindən Bakı şəhəri istiqamətində hərəkət edən nəqliyyat vasitələrinin 123-cü kilometrində yerləşən dairəyə daxil olmadan Bakı şəhəri istiqamətində rahat və maneəsiz hərəkətinin təmin olunması üçün əlavə hərəkət zolağının tikintisi də icra olunur.
Hər iki yol qovşağı arasında uzunluğu 3,1 kilometr olan magistral yolun yenidən qurulması, piyada səkilərinin bərpası və yenilərinin inşası, həmçinin yol kənarında yaşıllıqların salınması işləri də layihə üzrə nəzərdə tutulur. Şamaxı rayonunda avtomobil yollarının təmiri və saxlanılması istiqamətində yerli əhəmiyyətli Şamaxı-Çuxuryurd-Zarat-Xeybəri avtomobil yolunun Şamaxı-Əngəxaran hissəsində 3450 metr və Çuxuryurd yaşayış məntəqəsinin daxilindən keçən hissəsində, 2300 metr məsafədə yolun asfalt-beton örtüyünün aşınma layı da kompleks tədbirlər çərçivəsində yenidən tikilib.
Bütün işlər AAYDA-nin rəhbərliyinin nəzarəti altında tərtib olunmuş qrafikə uyğun həyata keçirilir. Ərazilərə lazımi sayda canlı qüvvə və texnikanın cəlb edilməsi və inşaatçılarının əzmlə çalışması işlərin vaxtında başa çatdırılacağından xəbər verir.


PAYLAŞ
Digər Xəbərlər
Şirvan TV
“Sosial layihələr” müsabiqəsi çərçivəsində Şamaxıda "Üçüncü Bahar" Festivalı keçirilib

“Sosial layihələr” müsabiqəsi çərçivəsində Şamaxıda "Üçüncü Bahar" Festivalı keçirilib

  • Bu gün, 09:34 27 sentyabr- Anım Günü
    8.09.2021, 10:41 TƏLƏBƏ ADIN MÜBARƏK!
    12.08.2021, 09:00 SƏNİNLƏYİK, TÜRKİYƏM!
www.ShirvanQazeti.az © 2o1o-2o17 - Bütün Hüquqlar Qorunur.
- Texniki dəstək: VipKadr.az