booked.net
Salyan booked.net
+27...+33° C

Şamaxıda Ukraynanın Fəxri konsulluğu fəaliyyətə başlayıb


Şamaxıda Ukraynanın Fəxri konsulluğu fəaliyyətə başlayıb

2020-11-09
Noyabrın 9-da Azərbaycanın qonaqpərvər Şamaxı şəhərində Ukraynanın ilk Fəxri konsulluğunun təntənəli açılış mərasimi keçirilib.
Açılış mərasimində Ukraynanın Azərbaycandakı Fövqəladə və Səlahiyyətli səfiri Vladislav Kanevski çıxış edib. Səfir Azərbaycan dövlətinin rəhbərliyinə və Şamaxı rayon icra hakimiyyətinə təşəkkürünü bildirərək qeyd edib ki, bundan sonra Ukraynanın bir hissəsi Şamaxı şəhərində olacaq.
Ukraynanın diplomatik missiyasının rəhbəri bugünkü əlamətdar hadisənin xüsusi əhəmiyyətini vurğulayaraq və bütün Azərbaycan xalqını Dövlət Bayrağı Günü münasibətilə təbrik edib, ölkəmizin qarşısında duran bütün çətinliklərin öhdəsindən gəlməyi, Azərbaycan xalqına sülh və firavanlıq arzulayıb.
Səfir qeyd edib ki, öz vətəninin suverenliyini və ərazi bütövlüyünü müdafiə edən qardaş Azərbaycan xalqının keçirdiyi hissləri Ukrayna yaxşı başa düşür. Bu gün həm Ukrayna, həm də Azərbaycan xalqı öz torpaqlarında, evlərində dinc yaşamaq, gələcək üçün planlar qurmaq və aydın səma altında çalışmaq üçün çətin sınaq qarşısındadır - Vətənə sədaqət və sevgi sınağı qarşısında.
Şamaxı şəhərində yeni açılmış Ukraynanın Fəxri konsulluğunun binası bu gün Ukraynanın qardaş Azərbaycan xalqı ilə həmrəyliyi əlaməti olaraq, eləcə də Azərbaycanın Dövlət Bayrağı Günü münasibətilə Azərbaycan bayrağının rəngləri ilə işıqlandırılıb.
Dövlətinin suverenliyi və ərazi bütövlüyünü müdafiə edərkən həlak olmuş Azərbaycan və Ukrayna qəhrəmanlarının xatirəsi bir dəqiqəlik sükutla yad edilib.


PAYLAŞ
Digər Xəbərlər
Şirvan TV
www.ShirvanQazeti.az © 2o1o-2o17 - Bütün Hüquqlar Qorunur.
- Texniki dəstək: KitabShop.az